ఉల్లి పెసర

వారాంతంలో టిపినీ ఉల్లి పెసర
కుమ్స్ అన్నమాట

ఎఱ్ఱముల్లంగి ఏపుడు

మొన్నామధ్య ఎఱ్ఱముల్లంగి ఏపుడు సింపేసారేసా..అర్ధంకాలేదా?
ఓహ్!! ఎఱ్ఱముల్లంగి అంటే...వాకే వాకే.
ఎఱ్ఱముల్లంగి అంటే గాజరగడ్డ.
ఏం సమఝ్ గాలే?

ఛల్!! గాజరగడ్డ అంటే గాజర్, క్యారెట్టు అనీ.
నీ ఎన్కమ్మ!!

ఏందీ ఈ గాజర్ గీ గడ్డ కీ ఏపుడ్స్ అంటే -
ఏం గావాలే?
ఓ నాల్గు గాజరగడ్డలు
ఓ పది కొత్తిమీర కాడ్స్
ఓ నాల్గు పిరగాయల్స్
ఓ నాల్గు వెల్లుల్లి రెబ్బల్స్
ఓ సెంచా కొబ్బరికారం/శనగపొడి/కారప్పొడి
తిర్గమాత గింజల్
ఓ సెంచా నూనె
ముందు గాజరగడ్డల్ని సుబ్బనంగా కడుక్కోవాలె.
అయినంక తోలు తీకున్డా, సన్నంగా తరుక్కోవాలె.
మిర్చి కోసేసి పక్కన్నూకాలె.
వెల్లుల్లిని క్రష్ సేసి తోక్క తీసేసి పక్కనబెట్టుకోవాలె.
ఇప్పుడు భాండీ పెట్టాలె, పొయ్యి ఎలిగించాలె, ఏడెక్కంగనే నూనె సెంచా
ఏస్కోవాలె, నూనె ఏడెక్కినంక తిరగమాత గింజ్ల్ అందల నూకాలే, చిట్పట్
లాడంగనే వెల్లుల్లి రెబ్బలు మిరగాయలు ఎయ్యాలె. అయీ ఏగంగనే ఓ సిటికెడు
పసుపు వెయ్యాలె, గిప్పుడు గాజరగడ్డ ముక్కలు వెయ్యలె, ఏసి ఎయించాలె.
బాగా ఏగినంక ఉప్పు, కొబ్బరికారం/శనగపొడి/కారప్పొడి ఏదుంటే అది
జల్లుకోవాలె. ఏదీ లేకుంటే ఓ సెంచా కారం ఓ సిటికెడు శనగపిండి జల్లుకుంటే
మస్తుంటుంది. సివర్న కొత్తి మీర జల్లి, పొయ్యి అపేసి కుమ్ముడే ఇక.

గాజరగడ్డలో ఫైబర్ అనగా పీచు ఉంటుంది.

కీ.దో పచ్చడి

మొన్నీమధ్య కీ.దో పచ్చడి ఓ గిన్నెనిండా చేసి ప్రిజ్జీలో పడనూకా.
కీ.దో అంటే కీరా దోసకాయ అని.
కీరా దోసకాయతో పచ్చడి బాగనే ఉంటుంది ఓ సారి ప్రయత్నించి సూడండి.
ఏంకావాలా?
ఓ రెండు కీరా దోసకాయలు
ఓ పది పచ్చి మిర్చి
ఓ రెందు ఎండు మిర్చి
ఓ చెంచా నూనె
ఓ చిటికెడు మెంతులు
ఓ రెండు కొత్తిమీర కాడలు
ఓ చిన్న నిమ్మకాయంత సింతపండు
విధానం
కీరా దోసకాయని శుభ్రంగా కడిగి, తొక్క తీయకుండా సన్నగా తరుక్కో. పక్కనెట్టు.
ఓ గళాసులో సిన్తపన్డు ఏసి మినిగిందాకా నీళ్ళు పోసి పక్కనబెట్టు
భాండిపెట్టి సెంచా నూనె పోయి
ఏడెక్కెంగనే మెంతులు, ఎండు మిర్చి వెయ్యి
చిట్పట్ అనంగనే పచ్చిమిర్చి వెయ్యి
ఏయించు
మిర్చి చిట్పట్ అనుద్ది
ఆపేయ్ పొయ్యిని
సిన్తపన్డు నానుంటది సూడు
బాగా పిసికేసి పిప్పి పడనూకు
మిక్సీలో ముందు ఏయించుకున్న దాన్ని కుమ్ము, ఓ రుండు మిక్సింగు వెయ్యి. కొంచెం కచ్చాపచ్చీగా మెదిగిందా? ఇప్పుడు సిన్తపండు గుజ్జు దాంట్లో కలుపు. ఇప్పుడు ఓ సెంచా ఉప్పు వెయ్యి. మళ్ళీ ఓ సారి తిప్పు మిక్సీలో పేస్టులా అయ్యిందా లేదా సూడు. కొంచెం గట్టిగా ఐతే ఓ పావులో సగం గళాసు నీళ్ళు పోసి ఇంకోసారి మిక్సింగ్ సేయి.
ఇప్పుడు మొత్తం కీరా దోస్కాయ ముక్కలేసి జస్ట్ ఒక్కసారి అంటే ఒకే ఒక్కసారి మిక్సిలోని బిల్లేడు తిరిగేలా వేసి మిక్సిని అపేసి గిన్నెలోకి మార్చుకో కొత్తిమీర పైన జల్లు.
లాస్టుపేరా అర్ధం కాలేదు కదూ!
మరోమారు సూజ్దాం - అన్నీ ముక్కలు ఒక్కసారి తిప్పుతే కొన్ని నలుగుతై, ఆ చింతపండు మిర్చి మిశ్రమం బాగా పట్టుద్దని. మరి ముక్కలు ఎక్కువున్నై, అన్ని మిక్సీలో పట్టవూ అంటే, పట్టినన్నే వెయ్యి. మిగతావి మిక్సీలోంచి దింపుకున్యాక కలుపు బాగా.
ఉప్పు సెంచా చాలా? రుచికి తగ్గట్టుగా వేస్కో గురూ
మిక్సీ లేకపోతే ఏంజేయ్యలే?
ఇంటి ఓనర్ని అడగాలే. లేకుంటే పక్కింటోళ్ళను అడగాలే.

రాత్రి భోజనం

ఇవ్వాళ్టి నా రాత్రి భోజనం ఇదీ -



రాగి సంకటిలో ముతక బియ్యం. ముతకబియ్యం అంటే ఒంటిపట్టు బియ్యం అన్నమాట, దీన్నే దంపుడు బియ్యం అనుకోవచ్చు.
రాం+మునక్కాయ కూర
కొబ్బరి పచ్చడి
ఉల్స్
ఉప్పుమిరగాయలు ఇటైపు
సివరాకరికి మజ్జిగ్స్

ఈనాడులో *నలభీమ*

నలభీమ బ్లాక్కి *మనుసులోమాట* సుజాత గారు *ఈనాడు* దినపత్రిక *ఈతరం* లోని *బ్లాగోగులు* శీర్షికలో స్థానం కల్పించారు.
*పేపర్లో పెద్దచ్చరాల్లో వచ్చేంత అర్హత* నా రాతలకు [వంటలకు] ఉందా అనే ప్రశ్న ఉదయించింది  నా మనసులో. ఈనాడు వారి శీర్షిక స్థలం మరియూ సుజాత గారి సమయం వృధా అయ్యిందేమో అని నా అనుకోలు. వంట బ్లాగుకన్నా మంచి బ్లాగులు చాలానే ఉన్నాయి. వాటి గురించి రాసుంటే నలుగురికీ నాలుగు మంచి మాటలు తెలుసుండేవని నే అనుకుంటా.
ఏమైనా, వారు సమయాన్ని కేటాయించి సమాచారం సేకరించినందుకూ, ఈనాడు సహృదయతో స్థలం కేటాయించి ప్రచురించినందుకూ కృతజ్ఞతలు తెలియజేస్కుంటున్నాను.
ఇలా వార్తాపత్రికల్లో రావటం ఎంతో ఆనందదాయకమే కాక, ఉత్సాహాన్నిచ్చే విషయం కూడా.
పేపర్లో పెద్దచ్చరాల్లో మన బ్లాగు రావటం బాధ్యతల్ని పెంచుతుంది కూడా, ఇకపై రాసేప్పుడు కూసింత వళ్ళు దెగ్గరెట్టుకుని రాయమని.


మరోమారు సుజాతగారికి ధన్యవాదాలు తెలియజేస్కుంటున్నా.

ఇంతక ముందుకూడా నే రాసే బ్లాగుల్లోని ముఖ్య బ్లాగైన *నాన్న* గురించి ఆంధ్రజ్యోతిలో వచ్చింది. నా దృష్టిలో ఇలా పేపర్లో పడటం నా బ్లాగుకి "ఓ గుర్తింపు" ఐనా నాకేమి పెద్ద ఎఛీవ్మెంట్ లా అనిపించలేదు.

చాయ చాయ

౧. కావాల్సినవి-
టీ బ్యాగు - ౧
అర లేక మొత్తం సెంచా తేనె
ఓ నిమ్మ బద్ద
రెండు పుదీనా ఆకులు
ఓ గిన్నె, ఓ మూత, పొయ్యి, నీ సెయ్యి
ఇధానం -
గిన్నె పొయ్యిపైన పెట్టు
ఓ ౩౦ మి.లీ నీళ్ళు పొయ్యి అనగా ఓ గళాసు
పొయ్యి ఎలిగించు
నీళ్ళు కాగినాక మరిగినాక కాదు, కాగినాక
పొయ్యి ఆపెయ్యి
టీ బ్యాగు వెయ్యి, పుదీనా రెండాకులూ వేసేయ్
మూతపెట్టు
ఒక నిమిషం ఆగినాక
మూత తీసి
టీ సంచి తీసేసి
నిమ్మ దబ్బ పిండు
తేనె వేసి కలుపు
ఉష్ణతేయాకుపానీయం తయ్యారు!!!
సేవించు
ఇది ఆపీస్లో కూడా చేస్కోవచ్చు. పొయ్యి గియ్యి కి బదులు, ఆపీస్ లో వేణ్ణీళ్ళు దొరుకుతాయిగా. మిగతా!! నిమ్మకాయ ఎత్తుకెళ్ళొచ్చుగా. ఓ *త్తి పెట్టుకో ఆపీస్ లో. తేనె డబ్బా కొనుక్కోవచ్చుగా. మనసేతిలో పనే. బద్ధకం వదిలించుకుంటే అన్నీ అవే వస్తాయ్. ఏతన్తావేతి?
౨. చాయి బ్యాగు లేదు, టీపొడే ఉంది. ఎలా?
నీళ్ళు కాచినాక, టీపొడి సెంచా, పుదీనా ఆకులు వెసి మూతట్టేయ్.
ఓ నిమిషం కాంగనే పైపై డికాషన్ ఓ గళాసులో పోస్కో. నిమ్మ, తెనే కుమ్మూ ఓ పీకుడి పీకు.
పైపై డికాషన్ ఎందుకూ తేయాకు దుల్లు రాకుండా. వడపోసేది ఉంటే వడపోస్కో. బెస్టు.
ఇక కుమ్మన్డహే!!

గోధుమ నూక దావత్

చారానా దావత్ కూ బారానా టాంగా అని ఓ సామెత.
నాదేం చారానా దావత్ గాదు, మస్త్ దావత్ ఏక్ దం!!
దావత్ అంటే పార్టీ అని. మనకి రోజూ పార్టీనే కదా, ఏం తిన్నా, ఏం తినకపోయినా.
సంగతేందంటే నిన్న మూడు గుండిగలకి వంటచేసి అవతలనుకా.
ఏమేంచేసానూ అంటే
గోధుమ అన్నం
గాజరగడ్డ ఇగురు
కోసుగడ్డ ఇగురు
ఈ కోసుగడ్డ ఇగురు ఇంతకముందే చెప్పియున్నందున, దాని గురించేం రాస్తల్లేను. ఫికర్ కాకున్రి.

ముందుగా, గోధుమ అన్నం అంటే, గోధుమ నూకతో వండిన అన్నం లేక ఉప్మా అనుకోవచ్చు. గోధుమ రవ్వ కన్నా కొంచెం పెద్దగా ఉంటుందీ నూక.

గోధుమ అన్నం, నా చిన్ననాటి జ్ఞాపకాలని తట్టిలేపింది. ఆరోజుల్లో, మా అంధ్రప్రదేశ్ రాష్ట్ర ప్రాధమికోన్నత అభ్యుదయ పాఠశాలలో, పొద్దున్నే ఈ గోధుమ అన్నం పెట్టేవాళ్ళు. మేము ఒకరోజు పందార తీస్కెళ్తే ఇంకోరోజు కారప్పొడి పొట్లం కట్టుకుని తీస్కెళ్ళేవాళ్ళం పైన జల్లుకుని తింటానికి. వేడివేడి అన్నం/ఉప్మా పైన కారప్పొడి. మహాప్రసాదంలా ఉండేది.
కూరగాయలేమీ ఉండవ్ దాంట్లో, ఏ నాలుగో ఐదో ముద్దకో ఒక ఉల్లిపాయ వచ్చెదేమో.
సరే సరే కధలోకి వస్తున్నానయ్యా మగానుభావా!!
చాలా సింపుల్ ఇది. ఐతే బాగా ఉడ్కబెట్టాలి ఇది కారణం నూక కదా సరిగ్గా ఉడక్క పోతే కసకస లాడుతుంది
కావల్సినవి ఓ ఉల్లిపాయ, తిరగమాత గింజలు, ఓ నాలుగైదు సెంచాల నూనె, ఓ నలుగు మిరగాయలు, కర్వేపాకు, పల్లీలు కావాలనుకుంటే, కూరగాయలు కావాలనుకుంటే అంటే చిక్కుడు, బీన్స్, గాజరగడ్డ, ఇంకా కావాలనుకుంటే నానపెట్టిన గింజలు అనగా శనగలు, పెసలు, సజ్జలు, రాజమ్మ, ఇలాంటి కుమ్ముకోవచ్చు. ఇంకా ఓ సోలెడు గోధుమ నూక, రెండున్నర సోలల నీళ్ళు పక్కనబెట్టుకో. ఇంకా ఉప్పు, తప్పు, సిప్పు, సెప్పు.
ఎట్టసేస్తారబ్బా అంటే -
కూదగాయలన్నీ శుబ్బనంగా కడిగేస్కుని,
ఉల్స్ తరుక్కో
మిరగాయలు సన్నగా తరుక్కో
మిగతా కురగాయలు కూడా తరుక్కో
గింజల్స్ వేస్తే ఆడిని ముందురోజే నానపెట్తుకుని ఉంచుకో, బాగా నానితే వేస్కోవచ్చు
ఓ పెద్ద గిన్నె తీస్కో భాండీనో లేకపోతే
పొయ్యిపైన పెట్టు
పొయ్యి ఎలిగించు
నూనె పొయ్యి
పొయ్యిలోకాదు గిన్నెలో
కొంచెం ఏడెక్కంగనే
తిరగమాత గింజల్ వేసెయ్
అయి చిట్పట్ అనంగనే
కర్వెపాకు వేసేయ్
చిట్చిట్ పట్పట్ అంటుంది
సన్నగా తరుక్కున్న మిర్చి అందలా నూకు
కొంచెం ఏగినాక
ఉల్స్ వెయ్యి
ఇక వేగని నా సాఁవిరంగా
ఉల్స్ వేగినాక తరుక్కున కూరగాయ ముక్కలు వేసెయ్యి
బాగా వేగనీ
వేగినాక
ఆ రెండున్నరసోలల నీళ్ళు పోసెయ్.
నీళ్ళు వేడెక్కినాక, ఇప్పుడు గింజలేవో వేసెయ్యి
మూత ఓరగా పెట్టు లేకపోతే నీళ్ళు పొంగుతాయి పోయ్యారిపోద్ది
ఇక ఉడ్కనీ
అన్నీ బాగా ఉడికినాక
రుసికి ఉప్పు కుమ్ము
ఇంకో రెండుమూడు నిమిషాలు ఉడ్కనీ [ఉప్పు పట్టేదాకా అన్నమాట]
ఇప్పుడు గోధుమ నూక వేసేయ్
కలియతిప్పు
ముతబెట్టు
బాగా ఊడికిందాకా ఉంచు.
అయ్యాక కిందకి దించు.
ఇక లాగించు.

రేపు గాజరగడ్డ ఇగురు చూద్దాం ఎలా చెయ్యలో.