Wednesday, August 1, 2018

సొరకాయ కూర

మనసంతా చికాకుగా ఉంది
దొడ్లోకి వెళ్ళాను
సొరకాయ కనిపించింది తీగకి
కోసుకొచ్చాను
జానెడు ముక్కకి తొక్కతీసి
తాలింపులో సొరకాయ ముక్కలేసి మూత పెట్టి
ఇంకో పొయ్యిమీద ఎసరుపోసి 
ఎసట్లో దోసెడు ఓట్లు పోసి
స్నాన *పానాదులు* కానిచ్చి
సొరకాయ ఇగురులో చిటికెడు ఉప్పేసి
ఉడికిన ఓట్లను ఆపేసి
సొరకాయ కూరని కట్టేసి
గీతాంజలి సినిమాని పెట్టుకుని చూస్తూ



Friday, July 27, 2018

దోసకాయ కూర




అలా దొడ్లోకి వెళ్ళి
దాసపాదు లోంచి మంచి దోసకాయని కోసుకుని జేబులోవేసుకుని




 అటు పక్కనున్న మిరప మొక్కలదగ్గరకెళ్ళి ఓ రెండు మిరపకాయలు కోసుకుని


 భాండి పెట్టి, నూనెపోసి తిరగమాతపెట్టి, కొంచెం పసుపువేసి, 
మిరపకాయలు కోసేసి దాంట్లో వేసి
ఇందాక కోసుకొచ్చిన దోసకాయని ముక్కలుకోసేసి దాంట్లో వేసి కొంచెం ఉప్పు జల్లి మూతపెట్టి ముక్క మెత్తబడగానే దింపేసి కుమ్మటమే!

Friday, June 1, 2018

వడియాలు


మా చిన్నప్పుడు ఎండ్లకాలంలో కూరగాయలు రావు కాబట్టి, వాట్ని ఎండబెట్టి దాచిపెట్టుకునేవారు. వాటిని వరుగులు అనేవారనుకుంటా. అమెరికా లాంటి దేశాల్లో ఫ్రోజన్ ఫుడ్ లభిస్తుందనుకోండి ఏ సీజనులోనైనా. ఓ రకంగా వరుగు అనే విధానం అంతరించినట్టేనేమో.

కాస్తో కూస్తో కమర్షియల్ స్థాయిలోనైనా బతికున్నది వడియం.
ఈరోజు మేము సగ్గుబియ్యపు వడియాలు పెట్టుకున్నాం.


Tuesday, November 15, 2016

కారపన్నం

అంటే ఏంటి అనడక్కు

చద్దన్నం డేగిషా నిండా ఉంటే ఏంజెయ్యాల్నా అని అలోచిస్తాకూకోకుండగ

తిరగమోత బెట్టి
సన్నంగ మిరగాలు తరిగేసి
అందులో పసుపు కుమ్మి
సన్నంగా నాజూక్కా తరిగిన ఉల్లిగడ్డ కుమ్మి
బాగా ఏపించి
కొరివికారమో సింతకాయపచ్చడో గోంగూర పచ్చడో కావాల్సినం కుమ్మి
అన్నం పొడిపొడి కలిపి
కుమ్ముకోటమే

Sunday, March 20, 2016

కొబ్బరి ఐసుక్రీము - అనఘ గారి వంట

అనఘ తయ్యారు చేసిన మొట్టమొదటి వంటకం
నాకు బాగా నచ్చిందోయ్!

ఐసుక్యూబులు చేసే ట్రేలో
ఒక స్ట్రాబెర్రీ ముక్క
ఒక బ్లూ బెర్రీ
ఒక బ్లాక్ బెర్రీ వేసి
కొబ్బరి నీళ్ళతో నింపి
డీపు ఫ్రీజరులో పడేసి గడ్డకట్టినక మింగటమే



Saturday, March 19, 2016

గ్రీన్ జ్యూస్ పదోరోజు




చెటాకు పాలకూర
ఆరు కేలు ఆకులు
చెటాకు పార్సులీ ఆకులు
రెండు యాపిళ్ళు
ఒక ఖీరా దోస్కాయ
రెండు సెలరీ చెక్కలు
పావలా కాసంత అల్లం

గ్రీన్ జ్యూస్ తొందోరోజు




ఆరు స్విస్సు ఛార్డు ఆకులు
గుప్పెడు ఆకుపచ్చ ద్రాక్షా
అర ఖీరా దోస్కాయ 
ఒక గ్రీను యాపిలు
పావలా కాసంత అల్లం