Saturday, February 21, 2015

అన్నం

అన్నం ఎలా వండాలి అనేదానిమీద కూడక టపా నూకుతారా అనుకోమాకా!
కలికాలం. ఎవైనా నొక్కిజెప్పకపోతే ఎట్టా
ఫేసుబుక్కులో ఓ రచ్చబండకాడి సెర్చ
ఏందయ్యా అంటే
అదే బియ్యం
అదే డేగిశా
అదే కొలత
ఎందుకు ఉడకలా అని

మంచి సెర్చే
వారెమ్మటికి నులకమంచానికానుకుని సుట్టతాగుతా కూకున్ననేను ఈ సెర్చని ఓరగంట సూసి
ఎహె! లాబంలేదహే
ఓ టపా నూకాల్సిందేని ఇట్టా వచ్చినా

అన్నం రెండ్రకాలుగా వండచ్చు
పొడిపొడిగా
మెత్తంగా

అన్నం రెండురకాలుగా వండచ్చు
ఎసరుపోసి
కొలతపోసి

ఎసరు పోయిటం:
గిన్నెలో నీళ్ళుపోసి మసిలినాక బియ్యం వేసి, ఉడికినాక మిగిలిన నీళ్ళు ఒంపుకిని, దాన్నే గంజి అంటార్లే, గంజి ఒంపినాక సిటపటా అన్నదాకా పోయిమీద గిన్నెనుంచి దింపటం ఓ పద్దతి

కొలత:
గిన్నెలో బియ్యం వేసి, బియ్యం తాకేలాగా చేయిపెట్టి, చేతి వేళ్ళు రెండో కణుపు మునిగిందాకా నీళ్ళు పోసి నిప్పురా జేయటం. చిటపట అనంగనే దింపటం ఓ పద్ధతి

కొలత:
డబ్బా బియ్యానికి రెండు డబ్బాల నీళు గుడ్డిగా పోసేసి దింపుకోటం ఇంకో ఇవరం

అత్యంత వీజీ ఇదానం
రైస్ కుక్కర్
ఒకటికి ఒకటిన్నర నీళ్ళుపోసి మూతపెట్టి స్పిచ్ ఏస్తే పొడి పొడి పొడిగా వన్నం ఉడికిద్ది

4 comments:

Surabhi said...

Almost after 2 years! Nice to see your post again, that too with the most needed recipie in today's world of non carb diet floods

Rao S Lakkaraju said...

ఒకటికి ఒకటిన్నర నీళ్ళుపోసి మూతపెట్టి స్పిచ్ ఏస్తే పొడి పొడి పొడిగా వన్నం ఉడికిద్ది
------------------------
ఇంత సింపుల్ అయినా ఒకళ్ళకి ఒకరోజు సరీగ్గా వస్తుంది ఒక రోజు సరీగ్గా రాదు. నాకొస్తుంది ఇంట్లోవాళ్ళకి "ఎందుకు సరీగ్గా రావటల్లేదు" అనే దాని మీద రిసెర్చ్ చేసి కనుగొన్న విశేషం ఏమయ్యా అంటే :
నీళ్ళు టాప్ నుండి డైరెక్ట్ గ పట్టుకుని పోస్తే, ఫోర్స్ మూలాన కొలిచే కప్పు పూర్తిగా నిండదు. అందుకని నీళ్ళు తక్కువయ్యి అన్నం సరీగ్గా ఉడకక పలుకవుతుంది.

Bhãskar Rãmarãju said...

1. సురభి గారూ! రాద్దామని ఉన్నా ఈ మధ్య పని ఒత్తిడితో కుదరటం లేదు
2. గుడ్ పాయింట్ రావు గారూ! నింపాదిగా నీళ్ళు పట్టుకుంటె మంచిదేమో!

sudharshan fnu said...

నమస్కారం భాస్కర్ రామరాజు గారు నా పేరు సిద్దు.
మీ బ్లాగు ఈ రొజె చుసాను చాలా బాగుంది .

నాకు కొర్ర లెదా సామ బువ్వ ఏల చెస్తారొ చెప్తారా.

మార్కెట్ లొ ఖొర్రలు కనబడ్డాయి వాటిని ఎలా వండాలొ అంటె పొట్టు ఎలా తీయలొ తెలియక తీసుకొలెదు .
ధయ చేసి మీకు తెలిస్తె మొత్తం విదానం తెలుప గలరు .