Monday, February 9, 2009

మినప పచ్చడి

మీకు తెలుసా మినప పచ్చడి చేస్కోవచ్చనీ?

ఇదో కమ్మని పచ్చడి. ఈ పచ్చడి చెయ్యటానికి తపనిసరిగా మిక్సీ లేక రోలు ఉండాలి.

కావాల్సిన పదార్ధాలు: మినుములు లేక మినప్పప్పు, ఎండు మిరపకాయలు, చింతపండు, వెల్లుల్లి.
మినుములు లేక మినప్పప్పు: ఎలాంటివి? పొట్టు మినప్పప్పు అంటారు. అవీ!!

ముందుగా, మినప్పప్పుని వేయించి పక్కనబెట్టుకోవాలి. ఎలా? భాండీ పెట్టి, భాండీ వేడయ్యాక మినప్పప్పు వేసి వేపటమే.
From వంట

అయ్యాక, ఒక అరగ్లాసు నీళ్లలో ఓ పెద్ద గోలీ అంత చింతపండు నానబెట్టుకో. అలా అది నానుతూ ఉండనీ.
ఇప్పుడు, మళ్లీ భాండీ పెట్టు, ఓ రెండు చెంచాలు నూనె పొయ్యి. వేడి అయ్యాక, ఓ పావు గుప్పెడు "జీల్కర", ఓ ఎనిమిది మెంతులు వెయ్యి నూనెలో, వేగంగనే ఓ 10/15 తొడిమలు తీసిన ఏండుమిరపగాయలు వెయ్యి, వేపు, అయ్యాక ఓ సిబ్బిరేకులో పోస్కో, లేకపోతే ఆ కోరుతో భయపడి మీ చుట్టుపక్కనోళ్లు అగ్నిమాపక యంత్రాన్ని పిలుస్తారు.
From వంట

ఇందాక చింతపండు నానబెట్టుకున్నావుగా, దాన్ని బాగా చెయ్యిపెట్టి పిసికి, చింతపండు పిప్పి తీసేయ్యి.
ఇప్పుడు, ఈ ఎండుమిరపగాయలు, మిన్పప్పప్పు, చింతపండు గుజ్జు, ఓ నాలుగు వెల్లుల్లి రెబ్బలు వేసి రుబ్బింగు వెయ్యి. అయ్యాక ఓ చెంచాడు ఉప్పువేసి మళ్లీ రుబ్బింగు వెయ్యి.
From వంట


రుబ్బింగు వెయ్యగా వచ్చిన పచ్చడినే మినపప్పు పచ్చడి అంటారు. ఇక లాగించు.

అదీ కధ

7 comments:

Aruna said...

అవును చింతపండు రసాన్ని కూడా నూనెలో వేయించాలి కదా.
అవును అదేంటి మినప్పప్పు కన్నా మిరపకాయలు ఎక్కువ వున్నాయి? ఎంత కారం గా వుండి వుంటుందో తలచుకుంటే ఇప్పుడే కళ్ళలో నీళ్ళు తిరుగుతున్నాయి.

Bhãskar Rãmarãju said...

@అరుణ గారు: చింతపండు రసాన్నికూడా నూనెలో వేయించాలా? ఏమో!! ఈ సారి అట్టాచేసిచూద్దాం ఎట్టా ఉంటుందో!!

Thanks for the comment

మురళి said...

ఇది ఎన్నాళ్ళు నిలవ ఉండును? ఇందులో ఎన్ని కేలరీలు ఉండును? లాంటి సమాచారం కూడా ఇవ్వాలేమో..

Aruna said...

కొ.మా. పేరు పెట్టి ఏమీ రాయలేదు???
వెరైటీ వంటకమా. :)

శ్రుతి said...

భాస్కరా! ఇదేమైనా న్యాయమా?
ఇంకా మావిడి కాయలు రాలేదు, పోనీ మీరు చెప్పినట్లు మార్కెట్లో తెచుచుకుంటే అవి పుల్లగాలేవు. మరెలా నాకిప్పుడు కొ.మా కావాలి. నోట్లో నీళ్ళూరుతున్నాయి. సరే ఎం చేస్తాం. నాన్నను తోటకు తరుముతాను.

Rani said...

సిబ్బి రేకు, ఈ మాట విని ఎన్ని రోజులయ్యిందో. మా నానమ్మ వాడేది. ofcourse ఇప్పుదు ఆవిడ కూడా plate అనే అంటోందిలెండి. మీ recipeలు సూపర్!!

Bhãskar Rãmarãju said...

@శృతి గారు: కలికాలం, ఈరేజు రేపట్లో మావిడికాయలకి సీజనంటూలేదు. ఆనదించండి.:)
@రాణి గారు : ధన్యవాదాలు